'Gar ishq hai

Bahane dhundhu main

Teri awaz ko sunne

Un dhaago ko le chali main

Khwaabon ko bunne…

Do khirkiyaan hai

Tere sheher ko jhaankun

Un gehraiyon mein khokar

Khud ko jaise paaun

Zindagi se shikwa to kayi hai

Par maaf hai saare zakhm

Bas lavz bina tu samjhe

Saath chale har dum…

Phir kya pata, ab tak toh bas caravan tha

Tu hi hai manzil…

Is kadar tune jagah banayi…

Jaise tha bas tera ye dil…

Jab nigaahe dhundhe bheed mein tujhko…

Aur tere liye bhi bas main…

Kyun pareshaan kare tu khudko…

'Gar ishq hai to hai…

© Manashi Pathak

Kal Ka Pataa

Anjaanaa koi mile raah mein

Jaanaa pehchana lage

Jaise kisi duusri zindagi se

Aa gaya ho dham se…

Kisi ki hontho ki hansi

Bataye ki koi dost hai apna

Kya hua 'gar woh humrahi nahi

Par safar nahi hai soona…

Kehte hai ki pyaar mein

Dard ka samandar hota hai

Par ishq yunhi badnaam hua

Dhoka toh ummeed deta hai

Khud se hi karun main guftagu

Kya pata log soche naadaan

Samjhe koi bezubaan lavzon ko

Kehte toh sabhi apni daastaan

Har mod pe ek nayi duniya hai

Kyun dhunde tu kal ka pata?

Jo beet gaya who toh bas ek yaad

Aaj haal-e-dil toh bata...

© Manashi Pathak

Kuch zyaadaa hi Maanga

Koi apna dhundhu is shor mein

Koi nigah rok le mujhe

Main kaun hu, koi mera bhi hai kya…

Yeh pooch raha aaj dil mera…

Waadon pe jiya ab tak

Par sookhe patton ki tarah

Woh  bhi zameen mein mil gaye

Dil darrta hai

Ki phir na koi ise tode

Bas pal bhar ka saath dekar chhode…

Shayad kuch zyada hi maanga

Maine zindagi se…

Ek anjaano mein apna, sach ho har sapna

Aur rooth gayi woh mujhse

© Manashi Pathak

Dosti!

Ai dost mere,

Farishte ko paya hai tujhme

Humne jode dil ke rishte

Ye ek Din ka tyohaar nahi

Zindagi bhar main saath tere

Teri khushi mein

Du main party

Aansun bhi tapke

Toh du main hanky :)

Chahu ki Teri hansi Ka main reason

Ho life mein tere always Spring season

Kabhi baatein agar ho kam

Na samajh ki dosti mein na dum

But I don’t think I need to say that :)

Coz we understand each other

We are Friends Forever :)!

Cheers to all my F.R.I.E.N.D.S

Happy Friendship Day!



© Manashi Pathak